Kijan nou ka fè bay dlo pou moun ki pa swaf, pou moun ki pa enterese nan bwè l’ ? Sa se pi gwo pwoblèm limanite nan jounen jodia. Gen anpil moun ki vle resevwa sa Bondye gen pou ba yo, men yo pa enterese nan vini fè pati pa yo. Bondye te gentan fè sa ki pati pa li yo nèt. Si yon moun enterese nan sa li kapab ofri ban nou tout, fòk li tande envitasyon Bondye fè nou tout:

Vini non, nou tout ki swaf dlo. Men dlo! Vini non, nou tout ki pa gen lajan, nou mèt vini. Achte manje pou nou manje. Nou pa bezwen lajan! Achte diven ak lèt pou nou bwè. Nou pa bezwen peye! Poukisa n’ap depanse lajan achte manje ki pa ka fè anyen pou nou? Poukisa n’ap depanse lajan travay nou pou bagay ki pa ka plen vant nou? Si nou koute byen sa m’ap di nou la a, n’a manje sa ki bon. N’a pran plezi nou nan manje bon kalite manje. Louvri zòrèy nou. Vin jwenn mwen. Koute byen sa m’ap di nou, n’a jwenn lavi. M’ap siyen yon kontra ak nou pou tout tan. M’a ban nou benediksyon mwen te pwomèt David yo. Ezayi 55:1-3

Bondye toupatout, men poukisa m bezwen ale nan legliz si li toupatou? Paske se nan li nou ka konsantre pou n chache prezans Bondye san okenn distrasyon, se nan li nou aprann manifeste lafwa, li genyen anviwonman apwopriye pou fè sa Bondye mande nou fè a. Anplis de sa, moun ki malad yo prale nan kay doktè a, moun ki swaf dlo kap bay lavi a prale nan kay Bondye a. E pou nou konkli, se obeyi li nou obeyi li lè nou mete tèt ansanm nan kote nou mete apa pou li a.

Gade videyo sa pou nou aprann plis sou sijè a…