Sa ti kras moun ki kretyen yo konnen se ke nan lavi avèk Jezi, ou kapab resevwa anpil benediksyon atravè lafwa, an reyalite, ou pa menm bezwen yon kretyen pou ou resevwa benediksyon materyèl nan lavi ou, paske sèl kondisyon Jezi kite pou nou resevwa yo se nou mete tout konfyans ke tout bagay posib pou moun ki kwè. Sa vle di ke si yon moun ki pa kretyen mete tout lafwa li pou yon bagay enposib tounen vini yon bagay posib, lap reyalize, sa se pa paske moun sa merite, men paske Bondye pa ka fè bak nan pwomès li te fè nan pawòl li a. Sepandan, lafwa sa ase pou ou resevwa benediksyon, men li pa vle di li ase pou antre nan lavi ki pap jan fini an, ki se yon bagay ki egzije nou kenbe avèk bon jan lafwa sa jiska lafen. Ann pale plis sou sa nan videyo a…

Seyè a di Abram konsa. Pati, kite peyi ou la. Kite tout fanmi ou. Kite kay papa ou, ale nan peyi m’a moutre ou la. M’ap ba ou anpil pitit pitit. Y’a tounen yon gwo nasyon. m’a beni ou. Y’a nonmen non ou toupatou; w’a sèvi yon benediksyon pou tout moun. M’ap voye benediksyon mwen sou tout moun ki va mande benediksyon pou ou. Men, m’ap madichonnen tout moun ki va ba ou madichon. Gremesi ou, tout nasyon sou latè va jwenn benediksyon. Jenèz 12:1-3