« 7 Bondye, se de bagay ase mwen mande ou: Tanpri, pa refize m’ yo anvan mwen mouri. 8 Men yo: Pa kite m’ bay manti pou m’ twonpe moun. Pa fè m’ ni rich ni pòv. Ban m’ kantite manje mwen bezwen pou m’ viv la. 9 Si mwen gen twòp, m’a vire do ba ou, m’a di mwen pa konnen ki moun ou ye. Si mwen pa gen ase, m’a vòlò, m’a fè yo pase ou nan betiz. » (Pwovèb 30:7-9)

« 2 Men, pye m’ glise, li manke chape, ti kras mwen tonbe, 3 paske mwen te anvye sò moun k’ap fè grandizè yo lè mwen te wè jan mechan yo alèz. 16 Se konsa mwen kalkile anpil pou m’ konprann bagay sa a. Men, se pa t’ bagay fasil menm pou mwen, 17 jouk lè mwen te al antre lakay ou, pou m’ wè jan mechan yo gen pou yo fini. » (Sòm 73:2-3,16-17)

« 19 Si espwa nou gen nan Kris la se sèlman pou lavi sa a li bon, nou se moun ki pi malere ki ta gen sou latè. » (I Korentyen 15:19)