Gen yon reyalite anpil moun inyore nan mond lan, prensipalman nan bib la pa rapò ak egalite. Egalite nan sans bay tout moun menm bagay san nou pa konte sa yo fè pou merite yo kapab mete nou nan kondisyon pou nou fè pi gwo enjistis: Mete nan menm nivo moun ki pa fè anyen ak moun ki fè anpil efò, moun ki fè sa ki mal nan menm nivo ak moun ki fè sa ki dwat. Si nou panse nan egalite sa a epi mete nan tèt nou se yon bagay jis, nou ta ka di ke Bondye pap pemèt moun al nan lanfè, sa vle di, li pral mennen tout moun nan syèl ( sa se yon bagay ki pa fè sans ditou, ditou si ou konnen pawòl Bondye a). Nan parabòl sa a, nou ka wè Mèt la pa trete tout moun egalman, se pou rezon sa, li di moun ki mache dwat yo ap viv pa lafwa, paske lafwa se yon bagay ou bezwen mete l an aplikasyon. Se sa ki fè, tout moun vini nan menm nivo san yo pa depann sou sikonstans ki sou  latè. Gade nou antre pi fon nan sijè sa a nan videyo a…

Mèt la di l’: Sa se bèl bagay. Ou se yon bon domestik ki travay byen. Paske ou fè ti travay sa a byen, m’ap mete ou reskonsab pi gwo zafè toujou. vin fè fèt avèk mèt ou. Matye 25:21

Apre sa, domestik ki te resevwa sèlman mil goud la pwoche, li di: Mèt, mwen konnen ou se yon nonm ki di. Ou rekolte kote ou pa t’ simen, ou ranmase kote ou pa t’ plante. Mwen te pè, se sak fè mwen te al sere mil goud ou a anba tè. Men, pran lajan ou. Mèt la reponn li: Gade jan ou se yon move domestik, ou parese konsa! Ou te konnen mwen rekolte kote mwen pa t’ simen, mwen ranmase kote mwen pa t’ plante. Enben, se pou ou te mete lajan m’ labank. Lè m’ ta tounen, mwen ta wete manman lajan an ak yon enterè sou li. Wete mil goud la nan men l’, pran l’ bay sa ki gen dimil (10.000) goud la.

Matye 25:24-28