Bondye pa ka manke nan yon pwomès li te fè pou nou. Si li poko fè sa li dwe fè a se paske manke yon bagay nan moun ki vle resevwa pwomès sa a. Nan ka sa a, lè nou pale sou Sentespri a, fò ou menm ki poko resevwa li fè yon evalyasyon sou ki kalite ofrann ou ap prezante sou lotèl Bondye a.

Konsa, si lè w’ap mete ofrann ou sou lotèl la bay Bondye, epi antan ou la devan lotèl la, ou chonje frè ou gen kichòy kont ou, men sa pou ou fè: Kite ofrann lan la devan lotèl la, ale byen ak frè ou la anvan. Apre sa, wa tounen vin bay Bondye ofrann ou an. Matye 5:23-24

Li dwe yon ofrann ki soti nan yon konsyans pwòp devan Bondye. Si li mele avèk rankin, move santiman oswa kèlkeswa lòt bagay ki fòme yon barye ant ou menm ak Bondye, sa ap fè Bondye pa asepte sa ou ofri li a , pa konsekans, ou pap resevwa sa ki pi gwo li kapab bay la: Batèm nan Sentespri a.

Ann fè yon analiz pwofon sou sijè a…