Nou pèsevere di ou Bondye pa chache moun pafè, paske te gen yon sèl moun ki te pase sou latè a ki te pafè, Senyè Jezi a. Sepandan, lap chache moun ki dispoze demontre lafwa yo genyen an aplikasyon epi pou yo fè sa se enposib san obeyisans. Kidonk se sa nou rele lafwa. Lè sa a. si gen obeyisans, gen lafwa a, si gen lafwa nan pawòl Bondye a, se enposib lavi moun yo kontinye menm jan. Tout moun ki te aji konsa a te wè manifestasyon pouvwa Bondye, anplis de sa, li mete lavi yo nan yon lòt nivo. Ann pwofondi nan tèm sa a…

Pinisyon an te bon nèt pou mwen! Li fè m’ konnen sa ou vle m’ fè. Lalwa ou ban mwen an gen plis valè pou mwen pase tout richès ki sou latè. Se ou ki te kreye m’, se ou ki te fè m’ ak men ou. Ban m’ lespri pou m’ ka aprann kòmandman ou yo.

Sòm 119:71-73