Senyè a di:

Se limyè nou ye pou moun sou latè. Mak 5:14

Dyab la te konnen tout laglwa Bondye lè li te nan syèl la, ki se menm laglwa ki reflete nan lòm pa mwayen Sentespri a. Move lespri gen kondisyon pou l gade limyè sa nan lavi nou, paske nan yon jou li te gen limyè sa sou li tou. Sepandan, si limyè sa mouri nan nou, li pa itil anyen.

Kidonk, kijan li fè toye limyè ki nan nou an?

Lè li fè moun nan chanje laglwa Bondye pou laglwa mond lan:

Satan mennen Jezi ankò sou yon mòn ki byen wo. Li moutre l’ tout peyi ki sou latè ansanm ak tout riches yo. Li di l’ konsa: M’ap ba ou tout bagay sa yo, si ou mete ou ajenou devan m’ pou ou adore m’. Jezi reponn li: Wete kò ou sou mwen, Satan. Paske, men sa ki ekri: Se Mèt la, Bondye ou, pou ou adore, se li menm sèl pou ou sèvi. Matye 4:8-10

Senyè Jezi a pat chanje laglwa Bondye a pou laglwa mond lan, sa vle di, laglwa grandyab la te ofri ba li. Men, malerezman nou wè anpil moun kap fè egzakteman okontrè, yo chanje laglwa ki soti desann nan syèl la, yo kite laglwa pou sèvi Senyè a, pou yo sèvi pwòp tèt yo, pou yo chache laglwa mond lan, e pa konsekans yo tounen sèvitè Dyab la.

Moun ki chwazi tounen vini laglwa pou Bondye sou latè a epi pou ofri ba li tout lonè ak glwa, yo pral klere tankou zetwal nan syèl la, anba laglwa Bondye kote Dyab la pap janm gen aksè ankò.

Apre sa, mwen tande yon bri tankou vwa yon gwo foul moun nan sièl la ki t’ap pale byen fò. Yo t’ap di: Lwanj pou Bondye nou an! Se li menm ki delivre nou. Tout onè, tout pouvwa se pou li. Apokalips 19:1