« 7 Depi sou tan zansèt nou yo nou pa okipe sa m’ te ban nou lòd fè. Nou pa swiv yo. Tounen vin jwenn mwen. Mwen menm, m’a tounen vin jwenn nou tou. Se Seyè ki gen tout pouvwa a menm ki di sa. N’ap mande m’ sa pou nou fè pou nou tounen vin jwenn mwen? 8 Mwen menm m’ap mande nou: Eske yon moun ka twonpe Bondye? Non. Men, se twonpe n’ap twonpe m’. N’ap mande ki jan n’ap twonpe m’ lan. M’ap reponn nou: Nan keksyon ladim ak lòt bagay nou fèt pou nou ofri m’ yo. 9 Gen yon madichon ki gen pou tonbe sou nou tout, paske tout moun nan peyi a ap twonpe m’. 10 Pote tout ladim lan nèt nan tanp lan, san wete anyen ladan l’, pou ka gen manje nan tanp lan. Se pou nou fè sa pou nou wè si mwen p’ap kenbe pawòl mwen vre. n’a wè si mwen p’ap louvri syèl la fè lapli tonbe, si mwen p’ap vide benediksyon sou nou an kantite. » (Malachi 3:7-10)