Ezayi 65:17
« Mwen pral fè yon lòt syèl ak yon lòt tè. Pesonn p’ap chonje sa ki te pase nan tan lontan. Sa p’ap janm vin nan tèt yo ankò. »

Ezayi 66:22
« Menm jan lòt syèl ak lòt latè m’ap fè yo ap la pou lontan devan m’, konsa tou pitit nou ak non nou ap la pou lontan. Se Seyè a menm ki di sa. »

II Piè 3:13-14
« 13 Men nou menm, n’ap tann lòt syèl ak lòt tè Bondye te pwomèt la, kote se bagay ki dwat devan Bondye ase k’ap fèt.
14 Se poutèt sa, frè m’ yo, pandan n’ap tann bagay sa yo, ann fè sa nou kapab pou Bondye ka jwenn nou ap viv ak kè poze, san okenn fòt, ni okenn defo. »