Lè Senyè Jezi anseye nou moute fondasyon lavi nou sou li, ki se Wòch Fondamantal la, an reyalite, sa se kòm si li te vle nou pa vire je nou ni agòch ni adwat, sa vle di, pa fikse je ou sou pèsonn pliske li menm, se nou pran swen sa ki pi presye li te ban nou ki se lavi ki pap janm fini an atravè Delivrans lan, se nou inyore tout bagay lemonn epi nou veye sou kalite « kay » nap bati sou Jezi, Wòch la. Se egzakteman sa apòt Pòl te fè:

Pou mwen menm, lè a rive kote yo pral ofri m’ tankou bèt y’ap ofri bay Bondye, lè a vini pou m’ kite lavi sa a. Mwen fin mennen batay la byen mennen, mwen rive nan bout kous mwen, mwen kenbe konfyans mwen fèm nan Bondye. Koulye a, se rekonpans mwen m’ap tann pou lavi dwat mwen te mennen an. Lè gran jou a va rive, Seyè k’ap jije san patipri a ap mete rekonpans mwen an tankou yon kouwòn sou tèt mwen. Men, se pa mwen ase l’ap bay li. Tout moun k’ap tann ak tout kè yo lè la gen pou l’ parèt la, va resevwa l’ tou. 2 Timote 4:6-8

Se sa Senyè Jezi vle pou nou fè, menm jan an tou, mennen batay la byen mennen, rive nan bout kous la ak konfyans byen etabli nan Senyè a pou nou ka resevwa rekonpans li pare pou nou an. Pou ou resevwa li, li enpòtan ou fikse je ou sèl sou Jezi Kris e pa viv nan konpare lavi ou ak lavi lòt moun.

ANN GADE VIDEYO KI ANLÈ A POU NOU PWOFONDI OSIJÈ SA…