Nou genyen yon batay ki mare chak jou. Men batay la se pa nan domen fizik, men li nan kan espirityèl kote se lagè espirityèl sa ki enfliyanse tout bagay nan mond materyèl.

Paske, se pa ak moun nou gen pou nou goumen. Men, se ak move lespri ki nan syèl la, ak chèf, ak pouvwa, ak otorite k’ap gouvènen nan fènwa ki sou latè a. Efezyen 6:12-13

Donk, tout sa kap pase nan mond lan se rezilta nan sa ki soti nan mond espirityèl. Se pou rezon sa, fò ou elimine dout yo afenke Lespri Bondye kapab ba ou yon bon jan lafwa ki baze sou pawòl Bondye a epi ou va rejwi nan akonplisman pwomès Bondye a nan lavi ou. Nan lòt bò a, si ou alimante tèt ou avèk dout, sa ap rann ou yon lafwa emosyonèl, sa vle di, ki baze sou santiman, ki sèvi ak lachè ak ensten imen pou pran desizyon. Pa konsekans, dyab la ap jwenn okazyon pou fè volonte li reyalize nan lavi ou.

Gade videyo ki anlè a pou ou gen plis konpreyansyon osijè sa…