« 27 Se konsa, Bondye chwazi moun lèzòm konsidere tankou moun sòt pou l’ fè moun ki gen bon konprann yo wont. Li chwazi moun lèzòm konsidere tankou moun ki fèb pou l’ fè grannèg yo wont. 28 Li chwazi moun lèzòm gade pou anyen, moun yo meprize, moun ki pa menm egziste pou yo, pou li te ka kraze sa ki gen enpòtans pou moun k’ap viv dapre lide ki nan lemonn. 29 Konsa, pa gen moun ki ka fè grandizè devan Bondye. » (I Korentyen 1:27-29)

« 17 Jezi tande sa, li di yo konsa: – Lè yon moun an sante, li pa bezwen dòktè. Se moun malad ki bezwen dòktè. Enben, mwen pa vin rele moun k’ap mache dwat devan Bondye yo, men moun k’ap fè sa ki mal yo. » (Mak 2:17)