Se pa tout pitit ki genyen menm vizyon avèk papa yo, menm jan an tou, se avèk pitit Bondye yo. Se pa tout pitit Bondye ki genyen menm vizyon avèk li. Gen plizyè rezon poukisa yo pa genyen sa, men yon rezon ki prensipal gen rapò ak travay yo chak fè dapre apèl yo te resevwa a.

Anpil jèn etidyan mande m si yo ta dwe fè oswa sispann lekòl yo paske yo vle antre nan travay Bondye kòm predikatè levanjil la. Kidonk, m fè yo konnen temwayaj pesonèl mwen epi m kite yo jwenn repons yo bezwen an pou kont yo.

An reyalite, apèl Bondye a epi Bondye chwazi yon moun gen rapò avèk lafwa yo chak epi repons moun yo bay pou apèl sa a ap idantifye grandè nan sa ki rezeve pa yo a.

Nan sa ki te pase avèk Ezaou ak Jakòb fè nou konprann sa k pase nan lavi anpil jèn ki andan legliz nan jounen jodia. Ezaou ki te premye pitit la te genyen nonsèlman dwa pou deplase papa li a, Izarak, nan sans kondi fanmi li  yo, men sitou, li te gen dwa vini Patriyach la, ki se te yon tip apòt, yon grannèg, yon gwo chèf nan konstrisyon pèp apa pou Bondye a epi li tapral vini yon gwo otorite Bondye sou latè. Non li tapral vini referans sou Bondye Vivan an epi sa tapral mete li nan menm nivo avèk zansèt li yo, Abraram e Izarak.

Olye nou site Bondye Izrayèl la, nou tap dwe site Bondye Ezaou a. Men, akòz yon ti plat manje, nou konn pale de li sou yon moun ki echwe nan lafwa li.  Malgre li te eseye ranvèse sitiyasyon sa avèk dlo nan je pou l rekipere dwa pou resewva benediksyon sa, li te wè ke apre tout sa li te fè a, bagay la deja pita.

Rezon ki fè li echwe a se egzakteman li te meprize sa ki espirityèl. Vizyon fizik li a te fè li fè yon move chwa ki reflete pou tout lavi li. Bib la di konsa:

Yon jou, Jakòb te fin kwit yon bon bouyon, Ezaou antre sot nan jaden, li te bouke anpil. Li di Jakòb konsa: -M’ap mouri grangou. Tanpri, ban m’ ti gout nan bouyon pwa wouj ou a. Se poutèt sa yo te bay Ezaou yon lòt ti non. Yo te rele l’ Edon. Men Jakòb di l’: -M’ap ba ou ti gout si ou vann mwen dwa ou kòm premye pitit. Ezaou reponn: -Dakò. Mwen pral mouri. Kisa dwa kòm premye pitit la ap sèvi m’? Jakòb di li: -Fè m’ sèman anvan. Ezaou fè sèman ba li, li vann li dwa l’ kòm premye pitit. Lèfini, Jakòb ba li pen ak ti gout nan bouyon pwa a. Ezaou manje, li bwè. Li leve, li pati. Konsa, Ezaou te konsidere dwa li kòm premye pitit pou anyen. Jenèz 25:29-34

Ezaou reprezante moun ki viv nan lachè a, moun ki pa viv dapre prensip Bondye epi yo pa gen disènman espirityèl. Ezaou te konte sou fòs pounyèt li ak kouraj pou rezoud nenpòt sitiyasyon, jiska pou goumen kont zanimo sovaj. Anfèt, li konte avèk kapasite fizik ki fè li pa konte sou sa ki soti nan Bondye, se poutèt sa li te meprize dwa premye pitit la.

 Ezaou reponn: -Dakò. Mwen pral mouri. Kisa dwa kòm premye pitit la ap sèvi m’?

Sètadi, li te pèdi sa ki pi enpòtan paske li pito mache dapre sa li te konn wè ak je li epi li pat ka disène trèzo ki kache deyè dwa li te genyen an. Sa se disvantaj pou moun ki fèt nan lachè a! Se pou rezon sa, nou pèsevere pale sou moun nan fèt yon dezyèm fwa. Moun ki soti nan lachè a se lachè; paske yo pa soti nan Lespri Bondye a, yo pa ka konprann bagay espirityèl yo. Pou moun konsa, sa ki pi enpòtan an se viv jounen jodia, se sa je li yo ka montre yo, yo pa okipe sa je espirityèl yo ka montre nou. Sepandan, je fizik yo ka montre nou sèl bagay materyèl. Tandiske moun ki soti nan Lespri Bondye a gen je espirityèl pou gade pliske sa je fizik nou yo ka montre nou.

Moun ki pa soti nan Lespri Bondye a pa gen vizyon e yo pa rann kont sou konsèkans chwa yo fè ap bay yo tèt chaje. Se sa nou wè nan moun ki viv dapre prensip lemonn, yo konn rekòlte fwi nan move chwa yo fè. Yo konn fè move chwa akòz yo meprize konsèy ki soti nan pawòl Bondye a.

Malgre li dezespere ak grangou, li pa tap mouri paske papa li te rich epi li pap janm kite pitit li te renmen anpil la mouri konsa. Pi gwo pwoblèm nan sa Ezaou te fè a se ke li te meprize kado Bondye te sere pou li a: Benediksyon pou premye piti la!

Dwa sa a te soti nan men Bondye, malgre li te marasa ansanm avèk Jakòb, li fèt anvan. Poutan, li te gen dwa sèl pou li menm.

Sa se sitiyasyon anpil jèn kretyen ke yon jou te resevwa apèl Bondye pou yo te ka tounen pechè lezòm, men enspire pa grangou pou sikè ekonomik la ak laglwa mond lan, yo te resi meprize privilèj sèvi Bondye pou yo sèvi tèt yo.

Se pou Bondye beni nou tout ann abondans