Lè yon moun resevwa batèm nan Sentespri a, Bondye fè tout bagay vin nèf pou moun sa. Malgre sa, sa pa vle di ke li va tounen yon moun pafè, san defo oswa bagay konsa, paske menmsi moun nan resevwa batèm nan, li pa kite lanati imèn an, sètadi, nou sou latè epi nou genyen zafè bò isi a ki fè nou gen kèk fwa tonbe nan kèk pèlen si nou pa veye. Sepandan, li evidan ke moun sa chanje lide, konpòtman, fason li wè tout bagay, li chanje anviwonman oswa sa ki antoure li yo, chanje amitye, pa frekante menm kote ankò, etc. Kidonk, malgre tout difikilte nan mond lan, moun ki resevwa Lespri Bondye a tounen vini pa pi bon pase lòt yo men nou tounen vini moun espesyal. Ann medite sou sa.

Lè sa a, moun ki te chita sou fòtèy la di: Koulye a, mwen fè tout bagay vin nèf. Apre sa li di mwen: Ou mèt ekri sa, paske pawòl mwen se pawòl ki vre, pawòl tout moun dwe kwè.

Apokalips 21:5